XALQARO OLIMPIADA SOVRINDORI MUNOSIB TAQDIRLANDI
7-13 yanvar kunlari Qozog‘istonning Olma-ota shahrida matematika, fizika hamda informatika va axborot texnologiyalari fanlari bo‘yicha 20-Xalqaro Jautikov olimpiadasida dunyoning 16 ta mamlakatidan 680 nafar o‘quvchi ishtirokida olimpiada o‘tkazilgani haqida xabar bergandik.
Ushbu olimpiadada O‘zbekiston jamoasi 2 ta oltin, 3 kumush va 9 ta bronza medallarini qo‘lga kiritdi.
Matematika fani bo‘yicha Andijon viloyati, Marhamat tumani ixtisoslashtirilgan maktabi 11-sinf o‘quvchisi Begzod Hoshimjonov kumush medal sohibi bo‘lgani barcha marhamatliklarni birdek quvontirdi. Bugun Marhamat tuman hokimi o‘rinbosari A. Mahammatov sovrindor tahsil olayotgan ixtisoslashtirilgan maktabda bo‘lib, o‘quvchiga tuman hokimining tashakkurnomasi va esdalik sovg‘alarini topshirdi
