Andijon viloyati hokimi Sh.Abdurahmonov topshirig‘iga asosan viloyatimizning barcha shahar va tumanlarida kuz-qish mavsumini betalofat o‘tkazish hamda aholi muammolari o‘rganilmoqda.
Ob-havoning keskin oʻzgarishi tufayli kommunal sohalarda muammolar yuzaga kelmoqda. Shu munosabat bilan qish mavsumida vujudga keladigan muammolarni oʻz vaqtida bartaraf etish maqsadida viloyat hokimining topshirigʻiga asosan viloyatimizning barcha shahar va tumanlariga mas'ullar biriktirildi.
Shu jumladan, Marhamat tumanida 48 ta mahallaga tuman hokimining 1-o‘rinbosari Sh.Abdurazzoqov, viloyat hokimining o‘rinbosari N.Mo‘minov hamda sektor rahbarlari boshchiligida mas'ullar biriktirildi.
Mas'ullar mutasaddi tashkilot va korxonalar rahbarlari bilan birgalikda kuz-qish mavsumini betalafot oʻtkazish maqsadida tumandagi «Oqbosh» MFY hududida istiqomat qilayotgan aholi muammolarini o‘rganishdi.
Shu bilan birga mazkur hududda «Marhamattumangaz» gaz ta'minoti bo‘limi xodimlari tomonidan aholiga grafik asosida gaz balonlar tarqatildi.
Bu ishlardan ko‘zlangan maqsad oʻz hududlarida zarur ishlarni olib borish jarayonida fuqarolar murojatlari bilan ishlab, ularga ijobiy yechim topishdir.
Mas'ullar tomonidan aholi murojaatlari o‘rganib chiqilib, muammolarni joyida bartaraf etish bo‘yicha chora-tadbirlar ko‘rilmoqda.
Ayni paytda fuqarolarimiz tomonidan turli murojaatlar soni ham sezilarli darajada ortadi. Shu jarayonlarni toʻgʻri tashkil etilayotganligini doimiy nazorat qilib borilishi esa koʻplab muammolarga yechim beradi.
Siz yashayotgan mahallada yoki koʻchada kommunal sohada muammo chiqsa yoki favqulodda holatlar yuz bersa hududingizga biriktirilgan mas'ullarga zudlik bilan murojaat qilishingiz soʻraladi?!
Marhamat tuman hokimligi Matbuot xizmati.
